Noticia vuirpitionis apud Matisconum, sub die lunis, in mense agusto, XIII kal. septembris, ante presentiam domni Alberici comitis et fidelibus suis, Vualterium vicecomitem, Rotbertum, Vuarulfum, Vuichardum, cum ceteris plures; in eorum presentia proclamavit se quidam vir, nomine Maiolus et abbas Sancti Petri Cluniensis, seu et ceteri monachi ipsius loci, Hildebrannus et Aldricus atque Rotardus, de quendam virum, nomine Vuarulfum, qui tenet res Sancti Petri in pago Matisconensium, in villis istis nuncupatis: in Ibgiaco æcclesiam dimidiam in honore sancti Germani dicatam, cum mansis, curtilis, vineis, pratis, silvis et aquis, quicquid de ipsa causa in ipsa villa est et aspicit, et in Bisciaco mansos duos, et in Boiaco mansum unum, et in Binciono mansum unum cum servis et ancillis ibidem pertinentibus. Ipse autem Vuarulfus, ut recognovit directum Sancti Petri et auctoribus suis, Mayolum abbatem et monachorum suorum, vuirpivit contra illos ipsas res; alias res in ipso pago, quas ipse Vuarulfus super eos reclamavit, hoc est ecclesia in honore sancti Saturnini et rebus in villa Maysiriaco et in Dumbinas, et de hoc ipse Vuarulfus recognovit nullum directum sibi habere, vuirpivit contra Sanctum Petrum et actoribus suis his presentibus. S. Vuarulfi, qui vuirpivit et firmare rogavit. S. Alberici comitis. S. Rotberti. S. Vualterii vicecomitis. S. Teotberti. S. Eyrico. S. Gausberti. S. Vuitberti. S. Bernardi. S. Raculfi. S. Otardi. S. Leuspranni. S. Hereldi. S. Vicardi. Data per manu Berardi, sub die lunis, XIII kal. septembris, anno VII regni Hlotharii regis.